Dabi’u 10 mabudan nasara ne da baka taba tunani akansu ba…

Dabi’u 10 mabudan nasara ne da baka taba tunani akansu ba…

Menene mabudin nasara?... Yana da kyau mu fara da wannan jawabin

“Da yawa suna ganin cewa sihiri shi ne matakin nasara,

Shine hanya ta samun nasara a cikin sauki,

Shine tabbatacciyar hanya daya da za a iya nasara akanta.”

Ni kuma ina sanar daku cewa babu wani mabudi mai kama da hakan.

Mabudan nasara suna da yawa.

Kana da mabudan a hannunka, kamar yadda kake da makargama a hannunka. Abin da kake bukata shine kawai ka aikata.”

Akwai mabudan nasara….

Hakika mabudai 10 masu jagoranta ne ga rayuwa a bisa nasarar da kake fata ka kasance a cikinta.

Zan sanar da kai su kuma ka zurfafa tunaninka domin ka fahimci zance na, kayi aiki da shi domin ka kasance a cikin masu nasarar rayuwa.

1.  Tsara Manufofi Masu Kyau:

Da yawan karatuttuka na alakanta tsakanin nasara da kuma tsarin manufa. Abu mafi sauki anan shine ka tsara yadda kake burin tsarin rayuwarka ya kasance idan har baka san inda zaka fara kamawa akai ba. Tsara manufufin da kake burin cimma cikin lokaci kalilan da wadanda kake burin cimma masu dorewa, ka saka lokacin da kake burin kasancewarsu sai dai kuma dole ne akanka da ka dinga aiki akansu a kullum, su kasance a birbishin tsarin zuciyarka. Idan har ka cimma nasarar wannan, ka tsara dukkan matakan da dole ne ka bisu idan har ina da manufar cimma wadannan manufufi naka. Sai kuma, KAJE RUWA AIKI. Idan har tsarin da kayi yayi maka daidai, to sai ka tsara bangon manufarka na kowane abu da kake son cimma na ko wace rana. 

2.  Karfafaffen Tsarin Aiki da Babu Gazawa

Cewar “Jajircewa a aiki na kada masu kwazo” gaskiya ne, sai dai kuma har kullum, Kasala da Nasara kalmomi ne da basa tafiya tare. Idan har ba zaka iya jajircewa akan manufarka ba, kada ka yi tunanin wata rana zaka yi Nasara.

3.  Dauwama

Kawai kamar komai na Rayuwa, idan har ba zaka dage ba wajen dauwama akan neman sa’a tabbas hasara na tare da kai. 

Idan har bazaka dauwama ba akan cin abinci mai gina garkuwar jiki to, lallai kai kuma zaka rasa lafiya. Idan har ba zaka dauwama a cikin zumunci ba tabbas zaka samu matsaloli. Haka kuma gaskiyar kasuwanci da kuma dan kasuwa dole sakonsa ga abokan hulda ya zama dauwamamme sannan yayi nasara.

4.  Tarbiyya

Saboda kana da wani abu mai ma’ana da kake aiki ba dare ba rana akansa, tarbiyar cewa A’a ga abu maras kyau duk da cewar a tsarin kana duban cewa za a samu nan kusa, ribace wajenka ga manufarka ta nan gaba mai dorewa a matsayin sakamako da kuma abinda zakayi alfahari dashi.

5.  Dole ne ka zama mai sadaukarwa

Ka zama mai iya sadaukarwa a yanzu, hakan zai sa ka yi farin ciki a gaba. Babu sauki ga hanyar, sai dai dukkan matashiyar maganar itace sadaukarwa zata jagoranceka zuwa ga inda kake burin kaiwa. Anan gaba. 

6.  Ka dage wa Neman Ilimi

Napleon Hill ya ce acikin littafinsa mai suna Think and Grow Rich: “Hanyar nasara itace hanyar dauwama akan neman ilimi”

Duniya na zagayawa haka kuma tana sauyawa cikin sauri sosai, idan har baka nemi canji ba… idan har baka da ra’ayin neman ilimi sosai, nan kusa duk abinda ka sani bazai isheka ba. Kayi kunanin dukkanin abubuwa ko ayukka, dabamammaki, kamfanoni da kuma sana’o’I da ke a koluluwa a halin yanzu, sanin kowa ne cewa a da can baya basa nan, sai gashi a yanzu biliyoyin daloli aka samu ga wadannan kamfanoni kamarsu AirBnb, Istagram, Uber, Bitcoin da kuma Spotify, babu shakka shekaru goma da suka gabata a baya babusu. Idan har wadanda suka kirkizo wadannan shafukan basa da ra’ayin neman ilimi ta yaya zasu yi su kirkiro wadannan sababbin fasahar da babu ita a baya, su fito da damammaki wa kawunansu har su kafa wadannan masana’antu da babu irinsu a da can baya. Yawan NEMAN ILIMIN KA, yawan RIBAR KA, haka kuma BAZA KA TABA KOSHI daga NEMAN ILIMI BA.

7.  Ka zama mai saurare

Misalin cewa baza ka taba koshi daga neman ilimi ba, haka ma ba zaka taba koshi daga sauraron wasu daga cikin wadanda sukayi nasara, ko wadanda suka fadi kamun kai ba. Ka saurari manyan malamai da manyan shugabanni. Ka saurari abokai, yan uwa da abokan kasuwanci domin ka gina kyakkyawar mu’amalarka. Ka saurari irin yadda za a mayar maka da martani na batanci domin kawai ka gina kanka, ka gina kasuwancika tare da samawa kanka sakamako mai kyau a cikin rayuwarka. “Sarkin Na iya ba zai taba zama gwani ba” saboda bai taba ganin anyi ba dai dai ba abubuwa ko suna faruwa da yawa akan mutane daban-daban da ya dace su zama darasi akanka. Ka zama mai kunnuwan saurare don gane maha’inta idan sun zo ha’inci sannan kuma ka zama mai karfin bibiyar gyara a kowane lokaci.

8.  Ba zan taba bari ba ya zama dabi’arka

Ka karanta labarin duk wani mutum da ya zama daya daga cikin wadanda suka yi nasara a cikin rayuwarsu, babu shakka zaka taradda cewa labarin nasu duk daya ne. akwai wata rana ta rayuwarsu, babu wata rana da suke ja daga baya su daina, duk yadda abu ya zama baya yiyuwa, sai kaga kamar babu wata mafita…

Kashi 99.9999% na mutane sukan sakankance da rayuwa ta tsaka tsakiya, su kanji cewar ta wadatar dasu, sai dai zaka ga abubuwa na zuwa musu wani iri, komai na sauyawa zuwa wani iri daban.

Su kuma suna kallon rayuwar a matsayin darasin da zai taimaka musu gajen gyara kuskurensu, wannan ne halayyar da ya dace kowa ya kasancewa da shi idan har suna burin nasara a duk kanin al’amurransu, saboda ita Rayuwa na zuwa maka ne da jarabawa kuma dole ne akanka ka fadi idan tura da kai bango.

Tsara tsauni kuma ka cigaba da taka matattakalar kada ka fasa duk lokacin da kake ganin kamar ba zaka iya ba. Yi maza kace A’a! bazan taba bari ba, koda kuwa a duniya kowa zai yi tunanin zaka fada.

9.  Manufarka ta zama cikin tsafta

Babu wani abu da ke cikin Rayuwa da zai hana ka cimma nasara idan kana da manufa mai tsafta, kuma kana da tsari mai girma. Idan har kasan dalilin ka, to tabbas zaka yi nasara komai wuya. Idan kuma dalilinka yana da ma’ana mai karfi zaka tabbatar dashi komai wahala babu abinda zai hana manufarka cika.

10.  Kada ka ji tsoron fadawa hatsarin rayuwa

Kada ka taba tsammanin ka cimma wani babban al’amari idan har ba zaka iya shigar da kanka a cikin babbar matsala ba. Wannan abu ne da kowa ya sani matuka, wadanda sukayi nasara a rayuwarsu suna jefa rayuwarsu ne acikin hatsari sosai domin kawai su cimma abinda suke buri a rayuwarsu. Mutanen dayan bangaren kuma kullum tunaninsu su zama a wanke, sai dai kuma bazasu taba samun abinda yafi hakan ba a rayuwarsu, bazasu taba samun cikar burinsu ba, ai kuwa shi kenan abu yayi kyau, babu wani hukunci. Sai dai kuma idan burinka ne ka zama cikin rayuwar mafi daukaka dole ne ka karbi tsari na shi hatsari domin ka sabu mafi girman sakamako.

Shin ko akwai wanda ya aminta da jawabi na?